पंढरपूरच्या गोविंदपुरात घरातच मावा तयार करून विक्री; 85 हजारांचा गुटखा पोलिसांकडून जप्त,तिघांवर गुन्हा

पंढरपूरच्या गोविंदपुरात घरातच मावा तयार करून विक्री; 85 हजारांचा गुटखा जप्त, तिघांवर गुन्हा

पंढरपुरात पोलिसांची मोठी कारवाई! घरातून 565 मावा पुड्यांसह 85 हजारांचा मुद्देमाल जप्त

पंढरपूरच्या गोविंदपुरा भागात घरात मावा व गुटखा तयार करून विक्री करणाऱ्यांवर पोलिसांची कारवाई. 85 हजारांचा मुद्देमाल जप्त; तिघांवर गुन्हा दाखल.

पंढरपूर| ज्ञानप्रवाह न्यूज:पंढरपूर शहरातील गोविंदपुरा भागात घरात गुटखा,मावा तयार करून विक्री करीत असताना पोलिसांनी छापा टाकून 85 हजार रुपयांचा गुटखा तयार करण्याचे साहित्य जप्त केले असून या प्रकरणी तीन जणांवर गुन्हा दाखल करण्यात आला आहे. ही कारवाई पंढरपूर विभागाचे सहाय्यक पोलीस अधीक्षक प्रशांत डगळे यांच्या मार्गदर्शनाखाली पथकाने केली आहे.

याबाबत पोलिसांनी दिलेली माहिती अशी की,दि.15 रोजी सहायक पोलीस अधीक्षक प्रशांत डगळे पंढरपूर विभाग पंढरपूर यांना माहिती मिळाली की तुषार रमेश आदमीले रा.गोविंदपुरा हा राहते घरी मावा विक्री करत आहे.सदर ठिकाणी जाऊन आपण कारवाई करावी असे आदेशित केले.तेव्हा पोलीस कॉ.घायाळ यांनी घरामध्ये पाहणी केली असता सदर ठिकाणी तुषार रमेश आदमीले रा.गोविंदपुरा, शंकर विठ्ठल झेंड,वैभव ज्ञानेश्वर निकम रा.अनिलनगर पंढरपूर असे सुगंधी तंबाखू व कच्ची सुपारी यांचे मिश्रण करून मावा तयार करून विक्री करत असताना मिळून आले आहेत. तसेच त्यांच्याजवळ सुगंधी तंबाखू व कच्ची सुपारी,चुना असे सामान मिळून आले आहे. सदर ठिकाणी मिळून आलेला माल खालील प्रमाणे.

1) कच्ची सुपारी व सुगंधी तंबाखू मिश्रित तयार मावा 565 पुड्या किंमत 11,300/-रु.
2) गोल्डन सुगंधी तंबाखू 101 पुढे किंमत 50509/-रू.
3) भगवा सुगंधी तंबाखू 44 पुढे किंमत 15400/-रु.
4) कच्ची सुपारी कत्री अंदाजे दहा किलो किंमत 7500/-रू.
5) पांढरा चुना 03 किलो किंमत 300/-रु. असा एकूण माल 85000/-रू मिळाला आहे .

सदरचा मिळून आलेला मुद्देमाल व तीन आरोपींवर गुन्हा दाखल करण्यात आला आहे.पुढील कार्यवाहीस्तव पंढरपूर विभागाचे सहाय्यक पोलीस अधीक्षक प्रशांत डगळे यांच्या आदेशान्वये पोह.बनसोडे,पोह.गोडसे यांच्या ताब्यात दिला आहे.